新冠肺炎疫情下，市民的衞生意識提高咗，但做好個人防護措施外，增強自身免疫力亦係抗疫關鍵。講到免疫力，大家應該第一時間諗起維他命C，唔少蔬果都含豐富維他命C，有人仲會選擇食維他命C補充劑。但係補充還補充，要留意唔好過量攝取，以免得不償失！

根據世衛建議，成年人每日嘅維他命C攝取量不應少於45mg ，如果攝取過量維他命C ，即每日攝取超過2000mg，會引起腹瀉、噁心、腹部痙攣同胃腸道不適，嚴重嘅更會引致腎結石。

由於身體唔能夠儲存維他命C，過多嘅維他命C會排出體外，所以最好每日進食維他命C豐富嘅蔬果，例如1個奇異果含64毫克維他命C、1個橙的維他命含量有68毫克、半杯紅燈籠椒的維他命C含量更高達116.3毫克，半杯青燈籠椒和西蘭花，維他命C含量也超50毫克。大家知道點揀啦。

除吸收適量維他命C，加上健康飲食，再配合適量運作，抵抗力勁咗，自然無咁易染疫。