近日本港新冠肺炎又再度爆發，食肆出現新冠病毒確診個案，特別喺餐廳食肆之内，大家都會除低口罩，所以亦係高危地方，為保障自己和身邊人的健康，大家外出用膳時，要謹記以下幾點，減低感染病毒的機會：

1.外賣代替堂食

每逢午飯時間，食肆總是人多擠迫，加上大家喜歡在用膳期間「吹水」，大噴口水花，其實都幾危險。所以在這個非常時機，打工仔應盡量以外賣取代堂食，回到辦公桌前做「孤獨的美食家」就相對安全。

2.提早或延遲用餐

假如外賣回公司不方便，一定要堂食的話，最好盡量提早或延遲用膳，可以避開最多人的時間。

3.選擇較空曠或室外位置

想避開食肆人潮，除了時間之外，地點都好重要，應該選擇有較多空位可揀的食肆，或有室外通風位置的食肆。

4.清潔枱面同抺手

相信現時大家一入餐廳都記得清潔雙手，不過其實食肆的餐枱亦有機會沾上細菌病毒，為安全計，應該用酒精消毒液抹枱，仲有記住進食前要再次清潔雙手。

5.除下口罩 經常更換

有些人貪方便，會直接將口罩拉低至下巴位置進食，很容易食進黏附在口罩外的細菌，因此應除下口罩進食，口罩亦不應放在枱面。而且近日天氣炎熱，外出用膳或買外賣之後，口罩隨時沾滿汗水，減低口罩的防疫效果，所以，大家最好帶備多個口罩，大約4小時左右更換，就可以有最佳防疫效果了。