面對新冠肺炎疫情，香港醫護盡心盡力，成為抗疫嘅無名英雄。早前荷蘭駐港總領事館就向本港公立醫院、醫管局及衞生防護中心送贈12,000枝鬱金香，向參與抗疫工作嘅前線醫護人員致敬，同時亦透過呢次行動，對受疫情影響嘅荷蘭花農表達支持。至於大家好熟悉嘅衞生防護中心傳染病處主任張竹君醫生，雖然尋日因為香港「零確診」而唔使出席記者會，但依然無放假，並代表防護中心接過荷蘭駐港總領事館送贈嘅鮮花，仲笑得好開心添。

相片：FB@Netherlands Consulate General in Hong Kong and Macao SAR